ARTIKEL TRADISI SELAPANAN

Artikel Tradisi selapanan

Tradisi selapanan  sering dikenal ing adat jawa. Tradisi Selapanan inggeh menika arupa upacara selamatan kelahiran ingkang diadakaken wanci bayi yuswanipun sampun 35 dinten,lan diadakake kaliyan upacara cukur rekmo lan guntingi kuku asta bayi. Boten jarang tradisi selapan menika disarengaken kaliyan acara Aqiqah. Aqiqah menika gadahi arti ajaran Islam, yaiku adicara sembelih kewan qurban arupa wedhus ing dinten ke-7 sangking kelahirane bayi,kangge bayi jaler 2 iji wedhus lan 1 wedhus kangge bayi estri.Ananging masyarakat jawa padha ngadakaken adicara selapanan ingkang disarengi aqiqah ingkang diadakaken ing wanci 35 dinten sakwuse bayi lahir. Lan adicara menika di samikake kaliyan dinten weton ingkang kados saking penanggalan Jawa yaiku: Pon, Wage, Kliwon, Legi lan Pahing kaliyan ngadakaken kenduri. Upacara Selapanan ancasipun nyenyuwun keselametan dhateng bayi.

Kathahipun tradisi ingkang diarani mitos ingkang dilampahi ing wanci adicara selapanan menika dilampahi. Contohnipun saking bahan – bahan dahar ingkang dimigunakake ing wanci ngadakaken bancakan selapanan. Bahan – bahan menikat antaranipun : Tumpeng weton, ijo-ijoan(godhong-godhongan)  7 warni sedaya angsal diiris kejawi kangkung lan kacang lanjaran, endok pitik digodhok kathahipun 7, 11, utawa 17 iji, lombok,brambang,Bumbu gudangan boten pedes, Kalo/saringan santen saking pring, woh-wohan 7 warni , menika kedah ngangge gedhang raja, Kembang Setaman, Bubur 7 rupa. Sedaya bahan – bahan menika kedhah wonten lan boten kenging ingkang ditinggal salah setunggalipun.

Boten cekap saking meniku mawon, tradisi ingkang syarat ing filosofis jawa menika teseh dikagem. Ingkang kawitan yaiku Tumpeng weton diselehaken ing peturon bayi, sak lajengipun didongakeke lajeng nembe puron di dahar. Wosipun bancakan dihaturaken kangge keselamatan jabang bayi, nyenyuwun  keselametan dhumateng ALLAH SWT, lan dhateng ingkang momong, serta dhateng para sesepuh ingkang ngajab supados terus jagi lan ngemong.  Bancakan menika estune kurang-kurange 7 , 11, atawi 17 tiyang. 7 artosipun pitu = pitulungan atawi pertolongan. 11 artosipun suwelas = kawelasan utawi belas kasih. 17 artosipun pitulas = pitulungan lan kawelasan.

Saklajengipun tradisi ing selapan yaiku bancaki panggonan ari – ari bayi lan maringi tumpeng alit ing panggonan ari – ari bayi ingkang dikuburaken. Rekmo cukuran si bayi lan toya panggonan bersihaken disiramaken ing inggile kuburan ari – ari bayi lan cara pungkasanipun yaiku maringi kembang ing andape panggonane peturon bayi.